תהלים ק'

1 מִזְמוֹר לְתוֹדָה הָרִיעוּ לַיהוָה, כָּל־הָאָרֶץ׃ 2 עִבְדוּ אֶת־יְהוָה בְּשִׂמְחָה בֹּאוּ לְפָנָיו, בִּרְנָנָה׃ 3 דְּעוּ, כִּי־יְהוָה הוּא אֱלֹהִים הוּא־עָשָׂנוּ וְלֹא (וְלוֹ) אֲנַחְנוּ עַמּוֹ, וְצֹאן מַרְעִיתוֹ׃ 4 בֹּאוּ שְׁעָרָיו בְּתוֹדָה, חֲצֵרֹתָיו בִּתְהִלָּה הוֹדוּ־לוֹ, בָּרֲכוּ שְׁמוֹ׃ 5 כִּי־טוֹב יְהוָֹה לְעוֹלָם חַסְדּוֹ וְעַד־דֹּר וָדֹר, אֱמוּנָתוֹ׃